O procedemento de "solicitude de alta e modificacións padronais" regula a inscrición dunha persoa no padrón municipal de habitantes, así como as sucesivas modificacións dos seus datos.

• Solicitude de Alta e Modificacións padronais. Folla de instruccións.
• Cando se trate dunha nova folla de inscrición, asinarán todos os maiores de idade que se inscriban (a maiores do presentador). Modelo de Autorizacion (sinatura da Folla).
• Documento que acredite a identidade das persoas rexistradas (DNI, NIE, Pasaporte, Libro de familia para os menores de 15 anos, ….), excepto o do presentador si o trámite é en liña.
• Documentación acreditativa do parentesco/representación. No caso de menores de idade:
  • Menor que se empadroa con ambos os proxenitores: libro de familia ou certificado de nacemento.
  • Menor que se empadroa cun só dos proxenitores: libro de familia ou certificado de nacemento, acompañado dalgún destes documentos:
    
    • Autorización do outro proxenitor.
    • Guardia e custodia do menor en exclusiva outorgada a este proxenitor por resolución xudicial.
    • Garda e custodia compartida outorgada por resolución xudicial. Neste caso requírese ademais autorización do outro proxenitor, salvo que a resolución xudicial fixe o domicilio do menor, nese caso estarase ao que fixe dita resolución. Si a resolución xudicial establece que a residencia do menor será de forma alternativa con ambos os proxenitores, necesitará autorización do outro proxenitor ou resolución xudicial que estableza que o menor se empadroará con el.
    • Cando excepcionalmente non se dispoña da firma de ambos os proxenitores deberá achegarse unha declaración responsable, asinada polo proxenitor que realiza a solicitude, de ter a garda e custodia do menor e capacidade legal suficiente para facer a inscrición ou o cambio de domicilio no Padrón municipal, así como de non atoparse incurso nalgún dos supostos de feito previstos nos artigos 103.1.c) ou 158.3.c) do Código Civil.  Modelo de Declaración
  • Menor que se empadroa con persoas diferentes aos seus proxenitores: autorización de ambos os proxenitores ou en casos de tutela ou acollemento a resolución xudicial ou administrativa onde se estableza.
• Documento que acredite a ocupación da vivenda (escritura de propiedade, contrato de arrendamento, ...) Este documento non é necesario no caso de incorporación de novos habitantes a un grupo familiar xa empadroado.
• Recibo do I.B.I. Copia do último recibo pago do Imposto sobre Bens Inmobles.
• Autorización de empadroamento. En caso de querer formalizar o empadroamento en vivenda allea, o propietario da mesma, ou ben o arrendatario, debe autorizar este empadroamento. Modelo de Autorización
• En caso de rectificación ou actualización de datos, documento acreditativo do dato correcto.