Castellano
Detalle trámite
O procedemento de "prórroga de licenza de obras" regula o outorgamento dunha prórroga para dar inicio ou ampliar o prazo de execución das obras amparadas por unha licenza concedida con anterioridade.
Calquera persoa física ou xurídica que desexe obter unha prórroga de licenza de obras.
Preferentemente de forma telemática a través do botón "Iniciar trámite". Se o interesado non utiliza a vía telemática, poderá descargar o impreso ou impresos dende esta páxina ou acudir ao rexistro do Concello, onde lle facilitarán o dito impreso/s normalizado/s para presentar.
- Solicitude de prórroga de licenza de obras.
- No caso de actuar en representación, copia dos documentos de identidade do representante e o interesado coa autorización escrita dese último ou copia de poder para representalo (ver modelo). No caso de presentación online, non é necesario aportar o documento de identidade do presentador (nin do interesado no caso de utilizar un certificado electrónico de representación).
- A partir da segunda prórroga, indicar na solicitude o orzamento pendente de executar e achegar o certificado do arquitecto onde conste este importe.
- Xustificante de pago de taxas segundo a ordenanza vixente.
- Ordenanza reguladora das licenzas e comunicacións previas en obras e actividades.
- Ordenanza fiscal reguladora da taxa por licencias urbanísticas, declaracións responsables e comunicacións previas.
Nome: Prórroga de licenza de obras.
Unidade tramitadora: Servizos Técnicos: Urbanismo.
Inicio do procedemento: A instancia de parte.
Tipo de interesado: Persoa física ou xurídica.
Órgano de resolución: Alcaldía ou Xunta de Goberno.
Carácter silencio administrativo: Silencio positivo.
Recurso aplicable: Reposición / Contencioso - administrativo.
Taxas/impostos: Consultar a ordenanza fiscal do apartado de normativa.
Canles de atención: Telemático (Iniciar trámite).
Presencial.
